Site Requires Javascript - turn on javascript!

《家謙 · 淳玩澳洲團》帶你玩轉北領地及維多利亞

家謙 · 淳玩澳洲團北領地預告篇 無綫前體育主播伍家謙夥拍首度主持旅遊節目嘅香港奥運美人魚歐鎧淳飛到澳洲,玩盡北領地同墨爾本!首先會帶大家玩盡北領地海陸空最新奇刺激嘅一面,品嚐當地美食同體驗獨特原住民文化! 11月隆重首播,《家謙 · 淳玩澳洲團》 show 俾你睇點樣叫住玩…玩住叫!
家謙.淳玩澳洲團 北領地篇-勇闖鱷魚潭 歐鎧淳同伍家謙去到澳洲北領地挑戰瞻量,坐直昇機上天欣賞Sweets Lagoon熱帶雨林;下海勇闖野生鱷魚潭同鱷魚做朋友!佢地仲去左當地市集Mindil Beach Sunset Market日落市集邊食邊Shopping,享受達爾文日落嘅Magic Moment!
家謙.淳玩澳洲團 北領地篇-「死亡之籠」鬥鱷魚 上集歐鎧淳同伍家謙被鱷魚包圍未夠過癮,所以今集就去「死亡之籠」埋身肉博同鱷魚一齊游水 !! 刺激過後,佢地去左著名嘅Nitmiluk國家公園同原住民文化園區親身體驗原住民文化,360° 深度遊澳洲北領地!想知鬥鱷魚誰勝誰負?一齊去片喇!
家謙.淳玩澳洲團 維多利亞篇-預告 歐鎧淳同伍家謙玩完北領地,再玩埋維多利亞試下做文青加食家,食盡澳洲美食,嘆盡墨爾本咖啡! 仲有吖,女飛魚仲會壓軸同家謙比賽游水,想知誰勝誰負就要密切留意啦!
家謙.淳玩澳洲團 - 寫意品味墨爾本 歐鎧淳同伍家謙一大朝早就嚟到墨爾本食貨必到嘅Queen Victoria Market 掃街,不但平食新鮮澳洲生蠔,仲推介大家食好好味嘅冬甩!填飽個肚之後,兩位潮人就去到文青打卡熱點 Hosier Lane (塗鴉街) 感受當地藝術文化!佢哋仲挑戰體能,喺綿延242公里嘅 Yarra River 合力划獨木舟,用叧一角度體驗墨爾本!
家謙.淳玩澳洲團 - 體驗動感維多利亞 歐鎧淳同伍家謙今集去到摩寧頓半島嘅酒莊一邊品酒,一邊欣賞當代藝術品,之後仲坐纜車高空飽覽摩寧頓半島美景 ! 為左影多啲靚相,兩位打卡達人仲特登去到 Brighton Beach 同彩虹小屋瘋狂 selfie 嚟到最後一集,女飛魚仲會壓軸同家謙比賽游水,想知誰勝誰負? 即刻去片!

北領地

維多利亞